Како симбол на нешто лошо, негативно или депресивно расположение, црната боја често не се практикува во модниот свет. Некако сите ја избегнуваат (всушност) нејзината ексклузивност. И веројатно, го гледаат само црното. Но, зошто да не ја сфатиме таа модна „политика“ малку поинаку. Дајте му шармантност на црната боја и комбинирајте смело. Романтично и сепак кежуал. Црната е елеганција, гламур, мистериозсност, па дури и страст.
Ние ги одбравме црните раскошни здолништа од тул, чипка или некој друг материјал. Ексцентричното е што истите можат да се комбинираат со она што до пред некое време беше невозможно да се спои. Но, токму тоа е интересното за оваа боја. Можете да ја комбинирате со сѐ! Како сакате и каде сакате! А како гледате на неа? Тоа зависи и од вашиот „mindset“ драги!
