Полната сала, гласната смеа и балканската енергија повторно се враќаат на големото платно. Филмот „Свадба“ во 3Д кино Битола, ќе се прикаже на 05.02, 06.02 и 07.02.
Приказната е подеднакво смешна, топла и напната. Токму онака како што само Балканот знае да раскаже.
Сѐ започнува на роденденот на еден познат хрватски бизнисмен, кој во еден ист ден добива две шокантни вести. Дека неговата компанија тоне и дека е на чекор до банкрот. Додека се обидува да ја свари таа реалност, во канцеларијата му упаѓа семејството со торта, честитки и тамбураши, решени по секоја цена да слават. Но хаосот дури тогаш започнува.
Телефонски повик од Лондон ја превртува приказната наопаку. Ќерката, која студира таму, му соопштува дека е бремена. Уште поголем шок е откритието дека таткото на детето е син на српскиот министер за надворешни работи. Од тој момент, семејната драма прераснува во лавина од недоразбирања, судири на менталитети и ситуации што лесно можат да завршат како дипломатски скандал.
„Свадба“ доаѓа во 3Д кино Битола. Тоа е полнокрвен балкански анти-ром-ком кој маестрално балансира помеѓу смеа и тензија, интимна семејна приказна и политичка фарса. Филмот со многу хумор, но и со доза човечка топлина, ја прикажува апсурдноста на нашето секојдневие и тенката линија помеѓу љубовта и конфликтот.
Доколку сакате филм што ќе ве насмее до солзи, но и ќе ве држи во неизвесност до последната сцена – „Свадба“ е вистинскиот избор. Резервирајте го вашето место во 3Д кино и подгответе се за балканска приказна што долго ќе се памети. Погледнете ја објавата на фејсбук профилот на 3 Д кино Битола и резервирајте го своето место пред големото платно.
