Гледајте внимателно – Вниманието е клучот.
Кога гледате нешто, секој поглед е избор што открива што навистина ја привлекува вашата свест. Со помош на технологијата за следење на очите, можеме да ја разбереме длабочината на овие избори… И како тие го обликуваат нашето перцепирање на светот. Вниманието не е само моментално – тоа е клучот што отклучува нови димензии на нашето разбирање.“
Гледајте внимателно – што е тоа што привлекува внимание? Зошто некои предмети или моменти оставаат трага, а други остануваат незабележани? Со помош на технологијата за следење на очите (Eye tracking), стануваме свесни за она што нашето сознание често го игнорира. Ова откритие не се однесува само на нашите погледи. Тоа се однесува и на животот: понекогаш она што го игнорираме може да биде токму тоа што ни е потребно.
Што е она што нè тера да гледаме на некои работи подолго, додека на други не им посветуваме ни миг од нашето внимание?
Овој процес на избор не е случаен. Тоа е многу повеќе од механички одговор – тоа е суштински дел од тоа кои сме и што бараме од светот. Вниманието го обликува нашето искуство, и затоа е толку моќно.
Кога се обидуваме да разбереме кои работи ги прифаќаме и кои ги одбиваме, разбираме дека нашето внимание е многу повеќе од физички процес.
Тоа е душата на нашите одлуки. Како и технологијата, ние избираме каде ќе се фокусираме и што ќе го „запишеме“ во нашите спомени. Кога ги фокусираме нашите погледи на нешто, тие не се само слики. Тие се пораки од нашата подсвест, кои насочуваат нашето мислење, а потоа и нашите дејства.
Eye tracking ни помага да откриеме што нè привлекува на подсвесно ниво и како тоа ни ги обликува размислувањата. Технологијата ја мапира нашата опсервација. И нè тера да разбереме дека во вниманието лежи вистинската сила на одлуките што ги правиме секој ден. Како што нашето внимание ги определува нашите патишта, така и истото внимание може да ни ги открие новите насоки за кои сме слепи, но може да ги најдеме ако навистина гледаме.
Технологијата ни дава можност да влеземе во длабочината на нашите избори. Но, таа ни покажува и дека понекогаш вистинската сила лежи во оние моменти што не сме ги забележале. Така, вниманието станува механизам за прифаќање и откривање на она што не сме го виделе или дури и игнорирале. Оној што ја управува својата свест, истовремено ја проширува својата перспектива, отворајќи можности за нови сознанија и разбирања. Во светот каде што имаме многу информации, но малку време, вистинското внимание станува нашата најголема сила за наоѓање на значењето во хаосот.
пишува. Ромина Марковска
