„Бизнисот на задоволството“ е избран за официјална конкуренција на Меѓународниот филмски фестивал на Бахамите. Филмот е на македонскиот режисер Гоце Цветановски. Ќе се одржи од 13 до 17 ноември. Овој фестивал е познат по поддршката од икони како Шон Конери, Николас Кејџ и Џони Деп, а филмот на Цветановски ќе биде дел од програмата „Духот на слободата“.
Ова е веќе 32. Селекција за филмот кој досега има освоено 10 меѓународни награди. Од 19 септември, македонската публика ќе може да го гледа во киносалите низ земјата.
Дополнително, „Бизнисот на задоволството“ освои специјална диплома за продукција на дизајн на фестивалот „Сине дел Мар“ во Уругвај, доделена на Дејан Ѓошевски. Септември носи уште една премиера – филмот ќе биде прикажан и на фестивалот Еко Сине во Сао Пауло, Бразил.
Заплетот следи новинарка која се впушта во опасна истрага за разоткривање мрежа за трговија со жени, додека мистеријата и тензијата растат.
Филмот ќе биде достапен во киносалите низ Македонија од 19 септември со можност за идни онлајн изданија.
