Во чест на својот прв мал јубилеј, ,,Трчај бе” организира уште еден возбудлив настан.
Мини Трчај бе е името на првата детска трка во Битола што ќе се одржи на 11 Јуни во Битола. Деца од 4 до 14 години ќе ја покажат својата атлетска моќ
„Иницијативата за детска трка има за цел да промовира активен и здрав начин на живот кај најмалдите жители на градот. Но, пријавите на деца од други градови навистина пријатно не изненади, а и воопшто интересот кој ги надмина сите наши првични очекувања. Со учество на различни возрасни групи, трката ветува дека ќе биде инклузивно и возбудливо искуство за сите учесници„-истакнуваат организаторите.
Градското шеталиште ќе биде локацијата на трката со различни должини според возрасните групи,. Испланирана е и забавна програма во градскиот парк за сите учесници. Секако како подршка на малите тркачи, се очекува и бројната публика.
Настанот ќе започне во 11.00 часот, а учесниците ќе бидат групирани според нивните возрасни категории. Растојанијата на трката ќе бидат приспособени да одговараат на секоја возрасна група, обезбедувајќи пријатно и остварливо искуство за сите деца.
„Фокусот не е само на победата, туку негување на љубов кон физичката активност и радоста да се учествува. Преку оваа трка, децата не само што ќе ја искусат возбудата од трчањето, туку и ќе научат вредни лекции за истрајност, спортски дух и награда од активниот начин на живот„- истакнаа организаторите.
Трката не е само можност за децата да ги покажат своите атлетски способности, туку и шанса за семејствата и пријателите да се соберат, да навиваат и да ги прослават достигнувањата на најмалдите атлетичари.
Воведното издание на Мини Трчај Бе, треба да го означи почетокот на новата традиција за првата детска трка во Битола, која ќе инспирира и ангажира генерации млади тркачи, во градот познат по атлетските успеси на еден од најтрофејните атлетски клубови во Македонија, АК ОЛИМП. Предвидени се и вредни награди за најдобрите во сите категории.
