Бела Ноќ – Битола 2025: Крајот на август е асоцијација на Широк Сокак во бело
Крајот на август во Битола отсекогаш има своја симболика – Широк Сокак во бело. Деновиве, градот повторно го живее традиционалниот спектакл „Бела Ноќ“, дел од јубилејното издание на Битфест.
Два дена, една улица и еден дрес-код.
Широк Сокак блеснува во своето најсветло издание – како сцена за програма што ги спојува генерациите и ја слави македонската музика.
Оваа година, Белата ноќ ѝ припаѓа на нашата музичка сцена – на гласовите и бендовите што ја носат емоцијата на градот и што ја полнат најубавата улица на Балканот со енергија и блискост.
И после Детскиот хепенинг во бело кој се одржа вчера вчер, време е да се задоволат и апетитите на повозрасната публика.
Демнес, Сабота, 23 август – Концертна вечер со следната програма:
📍 Плоштад Магнолија | ⏰ Почеток 21:00
• DJ Тања
• Поп Рок Хор „Битвокс“
• Емоушн бенд
• Никола Зацески
• Тамара Стојковска
• Бојана Скeндеровски & Бенд
• Александра Јанева & Бенд
• Виктор Апостоловски
Белата ноќ е традиција, симбол на градот и празник што го обединува Битола.
Колку ја сакаме македонската музика, ќе провериме овој викенд на Широк Сокак во бело.
