По девијацијата на горниот слој на коловозот кој што се појави на неодамна асфалтираната ул. „Бурса“ во непосредна близина на Битолската пиварница, согласно договорот за изведување, настанатото оштетување ќе
биде санирано од страна на изведувачот. – известуваат од Општина Битола.
-Наведениот објект, односно ул. „Бурса“ е во гарантен период и сите аномалии кои што се појавиле или ќе се појавуваат, обврска е на
изведувачот да ги санира, со цел улицата да има нормален тек и изглед.
Проектот се реализира преку Договор за имплементација за под проект:
Реконструкција на ул. „Бурса“, од спој со ул. „Македонска фаланга“ до спој со новопроектирана ул. „Индустриски пат“, во согласност со Договорот за заем за финансирање на Проектот за поврзување на локални патишта помеѓу Република Македонија и Светска банка.
Градоначалникот на општина Битола, во повеќе наврати побара професионалност и одговорност во изведбата на инфраструктурните проекти, нагласувајќи дека, улиците на кои во изминатиот период се појавиле недостатоци по реконструкцијата, ќе бидат корегирани на трошок на изведувачите. Општински средства може да се исплатат само за успешно завршена работа, согласно склучените договори.
