Овој пат разговараме со тимот од Прилеп кој доаѓа од СОУ ,,Ѓорче Петров”. Брилијантни и креативни умови кои несебично ги споделија нивните идеи и мислења за „Разбуди се“. „Креативен ден“ е настан кој потсетува уште еднаш дека во нашата земја постои уметничка и креативна визија. Дека Македонија пулсира во име на модата, дизајнот, естетиката. Ова се инспиративни личности со кои навистина ми беше задоволство да разговарам. И овој пат нема да трае сторителингот… Затоа што во редовите подолу, тие умешно ја раскажаа приказната и ги споделија мислењата околу настанот.
Јулијана Поповска е професор по стручни предмети – Дипломиран инженер технолог по текстилно инженерство – ментор на тимовите од СОУ “Ѓорче Петров” – Прилеп
Што значи да сте во улога на професор и ментор Јулијана? Ментор на тимот од Прилеп кој ја подготвува приказната за ,,Креативен ден”?
Професор и ментор кој ја подготвува приказната за ,,Креативен ден” е во улога на создавање меѓусебен взаемен, процесен однос. Однос кој го организира, координира, мотивира тимот… А исто така го менаџира односот помеѓу учениците, модниот дизајнер и познатите дами во создавањето на модната приказна.
Како професор по стручни предмети и ментор на тимовите, преку тимска работа креиравме стратегии за генерирање на модни идеи. А со креативно размислување, решавање проблеми и нивна имплементација создадовме модна приказна. Модните креации кои ќе бидат сегмент од модната приказна ,,Креативен ден” претставува синтеза од стекнатите знаења и практични вештини на учениците, едукација и примена на дизајнерскиот начин на изработка на облека кој го применува модниoт дизајнер, а при тоа да се земат во предвид расположливите ресурси и модниот стил на познатите дами. Улогата на професор и ментор создавањето на оваа модна приказна, за мене претставува координирање на едно модно патување… И секако создавање моменти за паметење на секој член од тимовите.
Како гледаат младите во Прилеп и во Македонија на професијата моден дизајн во нашата земја?
Во нашата земја младите на оваа професија гледаат како комбинација на ентузијазам и предизвици. Професија која им овозможува можност за креативно изразување и реализација на нивните уметнички визии како и создавање уникатни и иновативни дизајни кои ги привлекува креативните умови. Со оваа професија младите гледаат просперитет и во дигиталниот моден дизајн кој претставува револуција во модната индустрија и овозможува поефикасен, иновативен и глобално достапен начин на креирање, моделирање и дизанјирање на облека.
Со интенција да ја прославиме модната визија и да го откриеме талентот, разговараме и со модниот дизајнер Мирјана Ванчева.
Ќе ни открите ли детали околу креацијата? Од што се инспирирате?
Темата за овогдинешниот „Креативен ден“ е цвет. Цветовите сами посебе даваат инспирација за креирање на модни креации преку нивната форма, богатството од бои, текстурата и симболиката. Богатството од елементи кај тимовите предизвикаа многу креативни идеи за креирање на инспиративни дизајни. Како инспирација ги имавме и цветни парфемите на „Oriflem“. Па на модните креации ја прнесовме емоцијата која ја продуцирааат мирисните ноти како топлина, љубов, сензуалност, елеганција.
Мирјана, колку треба да ги следиме трендовите?
Следењето на трендовите според мене е прашање на личен избор…. Треба да биде во баланс со нашите лични вредности, стил и начин на живеење. Модата е форма на уметност и самоизразување. Па најважно е да се чувствуваме удобно и самоуверено во тоа што го носиме.
Евгенија Тасеска е ученичката која навистина не воодушеви со своите маестрални скици... Со нејзината идеја за како сето ова да изгледа.
Евгенија што подразбира учењето на оваа професија?
Учењето на оваа професија подразбира:
- визуализирање на модните идеи преку цртежи, скици и совладување на техники за модно илустрирање.
- познавање на боите и нивните комбинации како и нивно влијанието брз дизајнот.
- знаење за различни видови ткаенини, нивни својства и употреба
- учење на техники за конструкција и моделирање на облека
- практични вештини за процесот на изработка на облека
- предприемништво и развој на сопствен бизнис
При тоа е вклучено и учење преку организација и реализација на различни модни настани, учество и учење од модни проекти.
Што научи од подготовките за ,,Креативен ден”?
Подготовките за ,,Креативен ден” за мене предизвикуваат возбуда… Радост и едно искуство кое е многу значајно за мене како матурант… Како ученик кој сака да го продолжи своето образование на факултетите за моден дизајн.
Имав можност да го применам сето она што не научи мојата драга професорка Јулијана Поповска за креирање и изработка на облека. Професорката со голема посветеност работи со нас учениците и развива љубов за модниот дизајн. Со нејзина помош и модната дизајнерка Мирјана Ванчева ги надоградив своите знаење. Научив различни техники за справување со предизвиците кои се појавуваат во текот на креирањето и изработката на уникатни дизајни на облека.
Дамата, која ќе има чест да ја облече оваа „модна приказна“ и да дефилира на модната писта на настанот „Креативен ден“ е Андријана Дукоска.
Андријана што е убавина?
Што е убавина? „Убавината за мене претставува уметност. Способност да го рефлектираме тоа што го поседуваме длабоко во нас. Таа уметност предизвикува восхит во нечии очи, уши или срце.“
Како дамата се вклучува во настанот? Има ли ,,право на збор два” околу создавањето на креацијата? Како Вие се вклопивте во овој моден настан кој е креативен, но сепак не е само еден ден?
Како дамата се вклучува во настанот? – Целокупно. Од самиот почеток на процесот, вклучена сум во сите важни сегменти. Во избор на модел за фустан, избор на материјал, проби, корекции… па сè до финалниот момент – презентирање на креацијата.“
Има ли право на збор околу креацијата? „Апсолутно, да. Вклучена сум во сè што е поврзано со креацијата, која јас ќе ја претставам, а изобилува со уметност, бидејќи јас не презентирам само „обичен фустан“… Туку индиректно преку тоа парче материјал, јас претставувам спој на повеќе уметности.“
Како се вклопивте во овој настан? – Уживање ми претставува секој миг поминат со мојот тим. Работиме со голема љубов и посветеност, а убедена сум дека резултатот ќе предизвика воодушевување. Ме возбудува процесот на трансформација. Од обично парче материјал – до уметничка креација, која ме отсликува мене и мојата индивидуалност… Уживам носејќи ја. Со нетрпение чекам да го презентирам финалниот резулатат.“
Така го завршивме разговорот со креативците од Прилеп, но разговорот се префрли на „другата маса“ и околу „Креативен ден разговаравме и со другиот тим кој доаѓа од Прилеп. Урбан крик, позитивна енергија и инспиративен порив кој се разбира ќе креира и после настанот.
Мирјана Ванчева е модниот дизајнер и на овој тим, а околу настанот и самата идеја ја запрашавме:
Колку сметате дека настаните од овој карактер ќе иницираат враќање на довербата кај младите во професијата моден дизајн?
Модните настани од овој карактер можат значително да иницираат враќање на довербата кај младите во професијата моден дизајн. Модните настани кои ја поттикнуваат иновацијата и креативноста можат да ги инспирираат младите да размислуваат надвор од традиционалните ракмки во однос на професијата за изработка на облека. Овие настани не само што би ги мотивирале и едуцирале младите, туку им даваат конкретни можности и ресурси за развој на кариера.
Од што се инспирирате кога дизајнирате? Како течи целиот процес на создавање одлична креација?
Инспирација за дизајнирање најчесто ја добивам од секојдневието кое ме опкружува, природата, уметноста, културата, често видот на ткаенините може да ми даде инспирација за креирање дизајн. Дамите за кои што дизјнирам и изработувам облека често се моја инспирација со нивниите манири, став, стил, карактер, професија, секако со додаток на нота на личен печат на моите дизајни. Процесот на создавање на одлична креација е динамичен и интерактивен, почнувајќи од инспирација и истражување, до дизајнирање и изработка на креацијата. Секоја фаза бара креативност, техника, умешност и внимателно планирање за да се постигне уникатен и успешна креација.
Дамата која ќе ја носи креацијата и која ние едвај чекаме да ја видиме е Весна Апостолоска. Апсолутно посветена, позитивна и со голема амбиција, Весна е дел од тимот на Прилеп.
Весна како гледате на иницијативата околу настанот ,, Креативен ден”?
Организацијата на настанот ,, Креативен ден”, сметам е токму во вистинско време во општествените случивања, грандиозноста доаѓа особено од младите идни креативци, учениците со поддршка на својот професор – ментор и целокупната екипа, како порака дека САМО КОГА СЕ САКА СЕ СЕ МОЖЕ!
„Пред да излезете од домот, погледнете се во огледало и отстранете еден моден додаток.“ – Коко Шанел. Се согласувате ли со Шанел или тоа е само нејзино првило. Како според вас треба да изгледа една дама?
Коко Шанел е инспирација, мотивација и муза и ден денес во женскиот свет и во светот на модата. Секоја нејзина сентенца е денес суштина во основата на секоја ДАМСКИ СТИЛ. Бо целост се сложувам со Коко „што помалку значи повеќе“ LESS IS MORE ….. ставајќи акцент на квалитетот а не на квантитетот, комфорно удобно и едноставно парче облека ЗНАЧИ ПОВЕЌЕ И ТРАЕ, отколку спротивното
…И сепак овој настан е најповеќе за младите, за враќање на довербата во стручните училишта. Разговараме со Андреа Костадиноска, ученичка од тимот од Прилеп.
Дали подготовките околу настанот ви се инспирација за да сонувате уште поголеми соништа? Дали вашите амбиции како ученик би се насочиле и во иднина кон професијата моден дизајнер?
Подготовките околу овој настан, како и самиот процес во кој учествував ми дадоја уште поголема инспирација и поттик кон остварување на моите соништа. Благодарение на професорката Јулијана Поповска која ги проширува нашите видиците за остварување на нашите соништа преку нашата струка како „врата во светот на модата“ и учеството на овој моден настан ме охрабрија и мотивираа уште повеќе да чекорам кон остварување на мојата желба во иднина мојата професија да биде моден дизајнер.
Што би ги посоветувале младите?
И јас како млада личност која се стреми кон постигнување на успеси и остварување на своите соништа би сакала да ги посоветувам младите да не се откажуваат од своите желби и цврсто и решително да чекорат по патот на успехот остварувајќи ги своите соништа и креирајќи ја својата иднина.
Така го завршиме разгворот о тимовите од Прилеп, а вам да ве потсетиме:
„КРЕАТИВЕН ДЕН“ Е ИДЕЈА НА ПРОФЕСОРКИТЕ АНИТА СТЕФАНОВСКА, ЕМА ЌУКА И ЖИВКА ТАНУШЕВА ИЦАНОСКА ОД ТЕКСТИЛНАТА СТРУКА ВО СОУ „ТАКИ ДАСКАЛО” БИТОЛА И ВЕСНА БОЖИЛОВИЌ ОД ПРОДУКЦИЈАТА „БОЖИЛОВИЌ”. ,,PERWOLL RENEW”, СО ЗАДОВОЛСТВО СЕ ПРИКЛУЧИ НА ИДЕЈАТА. ВЕДНАШ ПОТОА И ДРУГИ БРЕНДОВИ КАКО ТРИТЕКС СО СВОЈОТ УНИКАТЕН ПРЕПОЗНАТЛИВ СЛОГАН „TRITEX UNDERWEAR-СИНОНИМ ЗА КВАЛИТЕТ“ ГО ПОДДРЖАА ОВОЈ ПРОЕКТ. СЕКАКО И „КРЕТИВЕН ДЕН“ СТРЕМИ КОН ПРЕТСТАВУВАЊЕ НА СЕТО ОНА ШТО Е КВАЛИТЕТНО. НА ТАЛЕНТОТ И УМЕТНОСТА ВО ФАНТАСТИЧНА СИМБИОЗА СО КУЛТУРАТА И МОДНИОТ ПУЛС НА ГРАДОТ.
