Креативната инспирација е како фотон што го осветлува и разоткрива потенцијалот. Наскоро „Креативен ден“, настан кој во ова име, ја слави уметноста, културата, талентот на младите. Следењето на настанот беше навистина прекрасно патување низ модната димензија. Во овој спој, сфативме дека облеката не е само естетика… Дека креацијата е порив и сон на младите таленти кои „Креативен ден“ ги поттикнува. Разговараме со тимот од Богданци.
Ирена Бојмалиев, прекрасна дамата која креативната енергија сака да ја рашири, да ја ослободи, да ја доближи. Преку редовите, почувствувавме ентузијазам за силната и моќна порака што сака да ја пренесе. За позитивната енергија што и преку овој моден свет знае да го облечи човек. Имено, Ирена e дипломиран Конфекциски Инженер, Технолошко – металуршки Факултет Скопје. Била студент во Лоџ Полска на факултетот за текстилно инженерство и маркетинг. Ирена која ни доаѓа од Богданци, е сертифициран моден дизајнер на приватна академија за мода и дизајн во Скопје (Мулаж Техника).
– Од 2010 година работам со текстил во повеќе модни куќи. -започна Бојмалиев – Модни куќи и текстилни и компании како контрола на квалитет… Менаџирање на процесот на производство, технолошко- техничко одделение документација и спремање налози, во CAD I CAM одделот за моделирање и градирање на шаблони итн..
Денес оваа дама е вработена како професор во средно стручно училиште СОУ „Богданци” во текстилна струка и предава стручните предмети. –Во мојот криерен развој имам учествувано во многу ревии и добиено многубројни награди и признанија како и сопствена мулаж колекција. – забележа Ирена.
Разбуди се: Колку Макдонија има клима за равој на модниот дизајн како уметност? Каде е креативната инспирација како фотон што го осветлува и разоткрива потенцијалот: Наскоро „Креaтивен ден“, а денес разговараме со тимот од Богданци Што значи да се биде моден дизајнер тука и дали можеби вашите апетите се стремат надвор од границите ?
-Сметам дека во Македонија има почеток на висока мода. Tаа постои и се развива како уметност. Но, за жал нема настани каде тие би можеле да се носат. За разлика од пред неколку години, модната сцена во Македонија почна да се придвижува, а граѓаните сѐ почесто ги следат светските трендови .
Да се биде моден дизајнер во Македонија во права смисла на зборот е предизвик… Бидејќи кај нас, ретко кој изработува креации од висока мода. Тоа го има само во Франција и Италија каде што модата е на едно повисоко ниво и поквалитетно. Високта мода бара екслкузивност во материјалите, технички лица што ќе ги создадат и едуциран моден дизајнер.
Ако зборуваме за креативната инспирација, креативноста како потенцијал, Македонија има потенцијал бидејќи е креативно подрачје има доста успешни модни куќи и модни дизајнери кои работат со сопствени брендови каде што и јас се гледам во иднина, а доколу зборуваме за висока мода секако моите апетити се надвор од границите како што е и сонот на секој моден дизајнер.
Разбуди се: Оваа година темата е цвет. Колку оваа тема ве инспирира или можеби прашањето не го најде вистинското место бидејќи цветот е вечна инспирација?
Секој цвет е посебен со својата убавина и е вечна инспирација. Секој цвет има свое значење, своја уникатност и плени со својата убавина. Креативната инспирација секогаш може да започне од ова место.
За изработка на мојата креација ме инспирираше шафранот кој уште го нарекуваат и црвено злато бидејќи освен што плени со својата убавина има доста лековити ствојства, а неговите ароматични ноти имаат седативно и смирувачко дејство. Како што златното цветно срце почнува да цвета, соларната нота на шафранот е испреплетена во мојата креација и започнува со еден голем и впечатлив цвет кој ја симболизира уникатноста на цветот а завршува со многубројни рачно и уникатно направени цветчиња кои наликиваат на рајска градина и се мелем за очи и душа. Се надевам дека ќе уживате во неговата уникатност и ексклузивност.
Дамата од овој тим, е Мими Дуева. Со ептите на амбицозна жена која ги следи своите соништа, се восхитуваме на нејзината упорност и позтивна енергија. Вработена е како контрола во Текстилна компанија „Меркјури“ која работи за светскиот бренд NORT FACE.
„Тоа е компанија со која што имаме меморандум за соработка и учениците од текстилната струка одат на практична настава. Својата теорија ја надополуваат со практична изведба, а најдобрите и ги задржуваат по нивното завршување на училиште. Исто така и ја подржуваат текстилната струка со остатоци од материјали и репро материјали. “ – вели Мими.
Разбуди се:Треба ли една дама да има посебен и уникатен стил и дали тоа подразбира следење на строг кодекс и правила ?
Живееме во време каде што се обрнува големо внимание на стајлингот и каде што буквално сѐ се стилизира. На пример од четката за заби, па се до папката за документи. Градењето на стилот бара време и внимание. Но, сепак ако ги одбираме парчињата во кои ќе се чувствуваме опуштено и кои сме сигурни дека одлично ни прилегаат, не треба да имаме кодекс и строги правила на облекување. Со тек на време се изградува и нашиот стил на облекување начин на однесување начин на живот итн.
Да се биде дама со стил не значи постојано да се следат модните трендови. Туку Дамата да биде секогаш средена. А тоа ќе го постигне со доградување на модни парчиња и вложување и доградување во самата себе. Токму тоа е умешноста на вистинските професионалци.
Како што вели и Коко Шанел модата поминува но стилот е вечен.
Разбуди се: Која е честа да се биде дел од креативната идеја… Да се биде дел од настанот „Креативен Ден “? Како гледате вие на оваа идеја ?
За мене беше огромна чест и задоволство да бидам дел од овој настан, како и едно поинакво искуство. Секој чест за иницијативата и трудот на организаторите кои се трудат да ја подигнат свеста и модата во Македонија. А пред се во текстилните средни училишта бидејќи младите се нашата иднина. А овој настан е едно големо искуство и за нив.
Со задоволство ја прифатив понудата и ја подржувам целта на настанот. Настанот кој претставува уникатна можност на млади таленти да се спојат со локалните бизниси во модната индустрија. Се надевам дека овој настан ќе ја подигне свеста на модната индустрија… Ќе ги помогне младите талентирани дизајнери да го остварат својот сон.
Софија Етемовска е ученичката на тимот од Богданци чија креација едвај чекаме да ја видиме. Етемовска е втора година на Текстилна Струка во СОУ” Богданци”.
Разбуди се: Софија ова прашање го поставуваме често. Затоа што можеби најрелевантната цел на настанот „Креативен ден“ е будење на вашата свест во однос на амбицијата и верувањето во оваа, се надеваме и ваша, понатамошна кариера. Што треба да научат младите од ваквите настани ?
Младите од ваквите настани можат да научат многу и да го осетат вистинскиот дух на модата. Овој настан ни овозможува нашиот талент, нашата креативност и знаење да дојдат до израз. Истовремено да го развиеме и предприемачкиот дух каде што имаме продукт. Т.е од скица до готов производ и реклама со промовирање на модната писта.
Разбуди се: Што научивте од соработката со модниот дизајнер и дамата?
Па научив многу. …Како од скица до готов производ, технолошкиот редослед на операциите т.е процесот на изработка на моделот. Конструкција, моделирање изработка на кројни делови и Мулаж техника на моделарска кукла. Оваа техника многу се користи во високата мода и сум многу среќна што и јас ја изучив и во иднина ќе можам да ја применувам. Како кулминација на изведбата, мулажот во своите котур колекции го користат дизајнерите и модните брендови од калибарот на: Диор, Армани, Шанел, Живанши итн. Исто така начив колку е важна и рачната работа која го дава целиот дизајн на моделот. Од дамата научув многу за стилот на облекување, бидејќи стилот го изразува нашиот карактер и начин на живот .
ЗА ПОТСЕТУВАЊЕ „КРЕАТИВЕН ДЕН“ Е ИДЕЈА НА ПРОФЕСОРКИТЕ АНИТА СТЕФАНОВСКА, ЕМА ЌУКА И ЖИВКА ТАНУШЕВА ИЦАНОСКА ОД ТЕКСТИЛНАТА СТРУКА ВО СОУ „ТАКИ ДАСКАЛО” БИТОЛА И ВЕСНА БОЖИЛОВИЌ ОД ПРОДУКЦИЈАТА „БОЖИЛОВИЌ”. ,,PERWOLL RENEW”, СО ЗАДОВОЛСТВО СЕ ПРИКЛУЧИ НА КРЕАТИВНАТА ИДЕЈА. ВЕДНАШ ПОТОА И ДРУГИ БРЕНДОВИ КАКО ТРИТЕКС СО СВОЈОТ УНИКАТЕН ПРЕПОЗНАТЛИВ СЛОГАН „TRITEX UNDERWEAR-СИНОНИМ ЗА КВАЛИТЕТ“ ГО ПОДДРЖАА ОВОЈ ПРОЕКТ. СЕКАКО И „КРЕТИВЕН ДЕН“ СТРЕМИ КОН ПРЕТСТАВУВАЊЕ НА СЕТО ОНА ШТО Е КВАЛИТЕТНО. НА ТАЛЕНТОТ И УМЕТНОСТА ВО ФАНТАСТИЧНА СИМБИОЗА СО КУЛТУРАТА И МОДНИОТ ПУЛС НА ГРАДОТ. Настанот ќе се одржи на 1ви Јуни 2024 – КИЦ Офицерски Дом Битола!
