Салцбург остана без својот чоколаден симбол – крај на една слатка традиција. Родниот град на Моцарт, отсекогаш бил обвиен во амбивалентност. Тоа е место каде културното наследство на генијалниот композитор е силно вкоренето. Но и град што тој го доживувал како ограничувачки. Благодарение на неговата вдовица Констанца, која посветено го негувала неговото музичко наследство и покрај тоа што повеќе време поминала во Виена, Моцарт останува централна фигура во историјата на Салцбург.
Но, историјата на Салцбург доби нова сенка – градот загуби еден од своите најпознати симболи: славните Моцарт „кугли“. Фабриката Salzburg Schokolade, која годишно произведуваше 57 милиони од овие чоколадни задоволства, банкротира на крајот од 2024 година… Делумно поради растечките цени на какаото.
Иако постојат многу копии, оригиналните „Echte Salzburger Mozartkugel“ сега се во неизвесност затоа што производството може да се пресели во Чешка – поради пониските трошоци. Веста предизвика вознемиреност кај локалното население кое ќе се збогува со оваа чоколадна специјалност. Истовремено се соочува со политички турбуленции во земјата.
Без разлика на промените, Салцбург останува непрекината нишка во историјата на Моцарт, инспирирајќи генерации и привлекувајќи посетители од целиот свеѕ иако овој пат без својот чоколаден симбол.
