Вечерва погледнете во небото и уживајте во редок „ѕвезден“ спектакл: Следниот ќе биде дури за 14 години од сега
Вечерва очекуваме редок спектакл и глетка на небото која нема да се повтори уште 14 години.
Астрономите истакнаа дека ваков феномен последен пат се случил во 2018 година. Следна можност да го набљудуваме ќе имаме дури во 2037 година.
Имено, ноќта на 1-ви август ќе се појави првата супермесечина во август. Само 30 дена подоцна втората полна месечина, позната како „сина месечина“.
Она што го прави овој спектакл уште поинтересен е тоа што во истата ноќ, на небото ќе бидат видливи планетите Меркур и Марс, што ретко се случува. Оваа комбинација на супермесечина и видливоста на планетите ќе биде вистинско уживање за љубителите на астрономијата и небесните феномени.
Доколку дозволуваат временските услови и чистото небо, овој незаборавен феномен ќе им овозможи на набљудувачите со голо око да видат детали од површината на Месечината, како што се темните рамнини формирани од древните вулкански текови на лава.
За целосно задоволство при гледањето, ќе биде доволно да се оддалечите од градските светла и да погледнете во небото. Оние кои ќе се најдат во природа, далеку од јавните светла и урбаното, ќе се изненадат колку добро ќе можат да ја видат природата осветлена од силната месечева светлина.
Затоа, означете го датумот во вашиот календар. Подгответе се за незаборавен ноќен спектакл кога небесните појави ќе не воодушеват со нивната убавина и реткост.