Повеќе од 30 македонски уметници утре во Битола: „Силно светнал ден“ на платото пред Офицерскиот дом

Повеќе од 30 македонски уметници утре во Битола: „Силно светнал ден“ на платото пред Офицерскиот дом

По Охрид, музичко-сценскиот спектакл „Силно светнал ден“, посветен на 35 години независност, продолжува во Битола.

На 11 август, со почеток во 20:30 часот, платото пред Офицерскиот дом ќе стане голема отворена сцена на која ќе се сретнат повеќе од 30 македонски уметници од различни генерации и музички жанрови.

Во Битола ќе настапат Игор Џамбазов, Драгана Левенска, Елена Ристеска, Тони Зен, Некст Тајм, Бојана Скендеровски, Бранислав Николов, Вера Милошевска, Зуица Лазова, Александар Тарабунов, Полина Тасева, Спасен Силјановски, Бојан Стојков, Миле Кузмановски, Огнен Здравковски, Дорис Димовска, Андријана Јаневска, Игор Дурловски, Ана Дурловска, Ана Петановска, Димитар Андоновски, Дарко Гроздановски, Петар Младеновски, Јанг Дади, Лина Пејовска, Андријана Петрушевска, Марија Спасовска и Мина Блажев.

На една сцена ќе се слушнат песни што ги паметиме со децении, гласови со кои растеа генерации и музиката на новите автори и изведувачи кои денес ја продолжуваат македонската музичка приказна.

Преку музика, театар, поезија и сценски перформанс, „Силно светнал ден“ ја раскажува приказната за изминатите 35 години – преку моменти, стихови, песни и чувства што останале дел од нашата колективна меморија.

Игор Џамбазов и Драгана Левенска ја водат публиката низ музичко-сценската приказна што ги поврзува различните периоди, генерации и гласови.

„Силно светнал ден“ во Битола ќе се одржи во вторник, 11 август, од 20:30 часот, на платото пред Офицерскиот дом.

Влезот е слободен.