Битола е секогаш инспирација. Уметниците одново се повикуваат на Битола. Нотите извираат и колку понекогаш и да е тешко. Битола е приказна и еден пајтонџија во чаршијата. Битола е серенада, а по тој повод се случи првото издание насловено токму така:,, Ах таа серенада”. Имено, песната ,,Пајтонџија” на Мими ја освои публиката.

,,Зад нас е еден исклучителен ден, исполнет со напор, возбуда, предизвици и радост. Ако го мериме успехот на еден настан според насмевката на лицата и искреноста на аплаузот на публиката, тогаш можеме да биде задоволни. Првото официјално издание на фестивалот на староградска музика „Ех, таа серенада“ ги надмина очекувањата и ги освои срцата на битолчани.” – велат од Културен Информативен центар Битола за вчерашниот воодушевувачки настан.

Се пееа стари и нови серенади, а меѓу нив публиката со овации ја поздрави песната ,,Пајтонџија” чија музика и аранжман се потпишани од Мими Марковски.

Христијан Тоневски ја изведи оваа прекрасна серенада, а Никола Ристевски го напиша текстот за ,,Пајтонџија” кој долго ќе се памети.

Марковски на својот фејсбук профил се заблагодари на сите за поддршката, не криејќи ја возбудата. Во продолжение прочитајте што напиша Мими за песната и слушнете ја оваа прекрасна серенада што долго ќе се памети. Отворете го линкот тука.