Ивона Јовановиќ – македонска поп и рок-пејачка, препознатлива по својот стил, елеганција и силен личен став втемелен во длабока вера во Бога, седна на совозачкото седиште во југото на Мими.
Во најновата епизода на YUGO, Ивона Јо откри детали од својот кариерен развој. Од своите погледи кон идните планови, како и личните уверувања, ставови и гледишта кон животот и музиката.
Нешто подоцна, „по нашки“, разговорот се продлабочи и кон нејзините стравови. Со Мими, како и секогаш, темите се отвораат искрено и динамично. Овојпат со патриотски контекст и брутално реален осврт кон она што го имаме… Но, и кон она што упорно се обидуваме да веруваме дека „извира“.
А кога веќе се зборува за стравови и за уверувањето дека во YUGO можеш да поминеш сѐ, само не обично, следеше и едно не баш пријатно изненадување. Режијата беше успешна: познатата пејачка и инфлуенсерка остана шокирана. А финалниот ефект, смеење до солзи, беше очигледен и кај водителот, и кај гостинката, но и кај публиката.
Prank во YUGO. Со Ивона Јо. Во продолжение, погледнете го видеото и уживајте во најновата епизода.
