Достоинството пред Сè: Време е да си го Цениме Трудот. / Кога „фала“ се користи наместо фер плата, достоинството не смее да биде компромис. Оваа колумна е повик за враќање на вредноста на човечкиот труд – за сите што работат чесно, совесно и со срце. Зашто тоа не е привилегија. Тоа е основно човеково право. Без лична вредност, ниту еден напор не се чувствува вреден, а без вреднување – останува само умор.

Достоинството е самопочит/ Не е ароганција

Да бараш фер услови не значи дека бараш премногу – туку дека знаеш колку вредиш. Достоинството значи да ја препознаеш својата лична вредност и да не дозволиш таа да биде потценета. Совесноста не смее да биде причина за експлоатација.

Зошто треба да зборуваме за почитта кон себе?

• Затоа што штити од прегорување и психолошки товар.
• Затоа што младите гледаат и учат како се однесуваш кон себе.
• Затоа што кога се чува достоинството, се чува и интегритетот – твојот и на твојата организација.

Како да го зачуваме вреднувањето на човечкиот труд?

• Биди искрен/а: Кажи дека твојот труд вреди повеќе од симболичен надомест.
• Барај фер третман: Трудот не е милостина – трудот е услуга што заслужува вреднување.
• Не се извинувај: Самопочитта не е тврдоглавост – тоа е стабилност.
• Ако ти речат „ама што ти е гајле“ – одговори: „Ми е гајле, затоа што си ја ценам внатрешната сила и самопочитта..
• Ова не е само твоја битка
  Ова не е лична каприциозност – ова е градење подобро општество. Кога го цениме трудот, го градиме патот кон општество во кое се почитуваат луѓето, нивниот глас и нивниот напор.
• „Нема мир без правда, нема правда без почит кон човекот.“
  – Папа Јован Павле II

„Почитувајте го трудот, бидејќи трудот е почетокот на секое достоинство.“
— Махатма Ганди

Живеј го достоинството

Не дозволувај никој да ти ја одземе внатрешната вредност. Застапувај се – со зборови, со дела, со мир во себе. Кога си верен на својот труд, верен му си на својот пат. А тоа е најчистата победа.

Верувај во себе, твојот труд секогаш носи вистинска вредност.

автор: Ромина Марковска

извор на инспирација: лични искуства и размисли за вредноста на човечкиот труд и почитта која тој ја заслужува.