Доналд Трамп: „Златната ера започнува сега“- Оваа изјава од претседателот Трамп е еден од клучните моменти во неговиот втор инаугурациски говор. Во него, Трамп најави „револуција на здравиот разум“ и прогласи дека Америка влегува во „нова ера на национален успех“. Со ова Трамп се обврза да ја врати земјата на врвот на светската сцена.
Во 30 – минутниот говор во Капитол Ротонда, тој истакна дека ќе потпише околу 200 извршни наредби и мерки кои ќе започнат со елиминирање на криминалните мрежи и заштита на границите. Доналд Трамп, исто така ги обелодени своите планови за економија, вклучувајќи намалување на инфлацијата и враќање на Американската индустрија во својот врв.
Говорот го потврди неговото уверување дека Америка ќе биде повторно водечка сила во светот со фокус на одбрана на националните интереси и засновање на правдата. Трамп заврши со надеж дека неговата победа на изборите ќе остане запишана како најважната во историјата на земјата.
Тој најави и целосна реформа на владините политики, вклучувајќи враќање на слободата на говор и борба против социјалната инженерска политика. Се очекува дека неговите акти ќе доведат до радикални промени во начините на фунционирање на владата и животот во Америка.
