Оваа година од 21-27 септември во Битола ќе се одржи јубилејното 45. издание на ИФФК „Браќа Манаки“, соопшти на денешната прес конференција, директорот на Фестивалот Симеон Мони Дамевски, кој го соопшти годинешниот лауреат на наградата за животен опус Златна камера 300.
БРУНО ДЕЛБОНЕЛ ДОБИТНИК НА ЗЛАТНА КАМЕРА 300 ЗА ЖИВОТЕН ОПУС НА 45 издание на ИФФК „Браќа Манаки“.
Делбонел, член на „Браќа Манаки“ е високо почитуван кинематографер. Бруно Делбонел има значаен придонес во светската филмска уметност.
Роден во 1957 година во Нанси, Франција. Студирал филозофија на Сорбона и завршил на ESEC во Париз. Започнал со режија на кратки филмови. Тој брзо преминува во кинематографија каде го започнува неговиот впечатлив опус.
Со Жан Пјер Жено, Делбонел соработува на филмови како „Амели“ и „Многу долга венчавка“ што му донесуваат номинации за Оскар. Неговата магистрална визија во „Амели“ го претставува Париз како маестрален и сонлив сон со чудесна визуелна енергија и културна наситеност. Оттаму, Далбонел продолжува со впечатливи работи како „Најмрачен час“ и „Трагедијата на Магбет“, постојано одразувајќи го својот уникатен стил и кинематографски гениј.
Неговата колаборација со различни режисери како Питер Богданович, Александар Сокуров и Тим Бартон, додатно ја збогатува неговата кариера. Бруно Делбонел создава визионерски филмски перфекции што ја освојуваат светската публика и критика.
Бруно Делбонел е нов член во Клубот на великаните на „Браќа Манаки“, закитен со „Златна Камера 300“ за животен опус откако ја освои „Специјалната Златна Камера 300“ во 2011 година за неговиот значаен придонес во светската филмска уметност на фестивалот „Браќа Манаки“.
Делбонел се издвои како извонреден кинематографер чие мајсторство и уметност со светлото ја обележа современата филмска сцена. Неговата „совршеност“ го претставува неговиот траен легат во светот на киното.
