Весели кофчези во облик на крофна, чоколадо или јахта, просто да не веруваш! И ова дојде како информација, неверојатно, но вистинито … Погребите можеле да бидат креативни. Овие необични опции потсетуваат дека и во најтешките моменти , вклучително и заминувањето, можат да се гледаат од друга перспектива, барем така велат тие кои се сетиле на оваа можеби бизарна идеја.
Весели кофчези! Дали и смртта е дел од животот, и животот заслужува да се слави дури и во своите последни моменти? Веројатно ова е конкретната инспирација. Запознајте ги веселите кофчези во облик на крофни, „чоколадни пакувања“ или јахти! И смртта можела да се прослави со стил.
Рос Хал, сопственик на компанијата „Дајинг арт“ од Окленд. Нов Зелан, специјализиран е за изработка на шарени кофчези во облик на крофна, беше употребен за погребот на неговиот роднина, Фил Меклин. Како сеќавање на Фил, таа крофна ќе остане и неговата смисла за хумор“, изјави неговата сопруга Деби.
Рос Хал создава и други весели форми како што се кофчези во облик на јахти, кармини, чоколада, Lego коцки. Неговите кофчези често пати се покриени со лажни драги камења и имаат уникатни дизајни инспиририрани од филмови како „Матрикс“. На веселите кофчези, присутни се и мотиви од омилени плажи и места за одмор.
Хал ја добил идејата пред петнаесет години кога размислувал за својата смрт при составувањето на неговиот тестамент. Тој се запрашал како сака да се појави пред светот и одлучил да биде различен. Во својот тестамент напишал дека сака црвен кофчег со пламен.
По шест месеци, Хал кој исто така води компанија за огласување и графика, реши да се зафати со реализацијата на својата идеја. Иако првично, погребните директори биле скептични кон оваа необична идеја, со текот на времето започнале да ја прифаќаат и да ја ценат креативноста што ја носи. За самата изработка, Хал користи влакнести и шперплочни материјали како и дигитален печат. Некои од нив како јахтата, имале сложени дизајни со кобилица, кормило, кабина и дури и метална ограда. Сите весели кофчези се биоразградливи и цените варираат од 3 000 до 7 500 новозеландски долари во зависност од дизајнот.
Според Хал, расположението на погребите се променило во последните години: „Луѓето сега сметаат дека тоа е прослава на животот, а не тагување за смртта.“ Во меѓувреме, Хал го променил своето мислење да биде погребан во кофчег со леопард дезен…
