Битолската коњаница „Галоп“ ја оживеа македонската традиција на еден незаборавен начин.
Традицијата не е само минато, таа е живата нишка што нè поврзува со нашите корени. А кој ги знае своите корени, може да ја гради својата иднина. И секоја песна, секоја игра, секоја приказна носи дел од душата на народот.
Токму со таа идеја, „Галоп Битолска Коњаница“ на автентичен и величествен начин, се појави на свадба и приреди незаборавен спектакл за младоженците Николче и Сара – двојка со пелагониски корени која живее во Лозана, Швајцарија.
Со комити на коњи, песна и игра како од старите времиња, ова здружение кое се бори за зачувување на македонската традиција покажа дека обичаите сè уште живеат и можат да бидат дел од најубавите животни моменти.
„Ова е само почеток,“ велат од „Галоп“. „Ќе следат уште многу вакви изненадувања за младоженци, за да ја разбудиме традицијата и да ја пренесеме на новите генерации.“
Свадбата ја водеше познатиот македонски пејач Дамјан Стојаноски заедно со Василија Петрова. А приказната за овој уникатен настан брзо се прошири и во Пелагонија и во Швајцарија.
Затоа што традицијата е срцето на културата, а без неа, секоја забава е само празно шоу.
Видеото погледнете го ТУКА.
