Широк Сокак во бело – по 12-ти пат – Бела ноќ во Битола – Нов концепт за поголема магија
Битола повторно ќе биде во бело со долгочекуваното 12-то издание на „Широк Сокак во бело”. Настанот ќе се одржи во викендот кој доаѓа, на 23 и 24 август. Оваа година, настанот, бела ноќ во Битола, носи изменет концепт, нови локации и уште повеќе магија за сите посетители.
Белата ноќ на Широк Сокак започнува во петок, на 23 август, на плоштадот Магнолија. Оваа локација ќе биде центарот на збиднувањата. Битола ќе ја прослави својата култура, уметност и традиција под светлината на ѕвездите и сјајот на белата боја. Настанот ќе биде проследен со следната програма и настапите на Емоушн бенд, Никола Зацески, КАМЕРЕН ОРКЕСТАР – MTV hits, Дани… Полина Тасева, Ирена Димовска – Памперс, Елена Васова, Наталија Маневска… Поп рок хор БИТВОКС и ќе финишира со настапот на КУКУ ЛЕЛЕ.
Во сабота на 24 август се планира за прв пат да се направи и програма за најмладата публика. Така манифестацијата продолжува на платото пред белата зграда на Офицерскиот дом. Таму, од 19 до 21 часот ќе се одржи специјална детска програма. Овој дел од настанот е посветен на најмладите. Тие ќе можат да учествуваат во разни креативни активности, игри и перформанси, создавајќи незаборавни спомени во знак на белата ноќ. Планиран е детски хепенинг со СИ-ДО ѕвездичките, училиште за кловнови и магионичари, маскоти, музички перформанси на децата од Градинките Мајски цвет & Пролет.
„Широк Сокак во бело“ веќе 12 години претставува симбол на обединување, заедништво и добра забава, а настанот привлекува илјадници посетители од земјата и странство, кои доаѓаат да го искусат магичниот амбиент на Широк Сокак, обоен во бело.
ПР текст