Викендов, спокојниот пејзаж на езерото кај потпелистерското село Ротино се трансформираше во галерија под отворено за проектот,,Are you ready for Pelister?”. Изложбата на фотографии „Визуелни приказни од Пелистер“, прикажа триесет селектирани фотографии. Истите, ја доловуваат недопрената убавина на Пелистер. Направени се од десет талентирани битолски фотографи под менторство на Љубомир Стефанов. Инаку Стефанов е познатиот коавтор и режисер на документарниот филм номиниран за Оскар „Медена земја“.
Младата фотографка Ангела Вељановска, чиј исклучителен талент ѝ ја донесе титулата за најуспешен учесник на работилницата која претходеше, ги заслужи нејзините дополнителни едукативни сесии со Стефанов, ветувајќи ѝ светла иднина во уметноста на фотографијата.
Изложбата „Визуелни приказни од Пелистер“ е дел од поширока иницијатива. Истата има за цел да ја зголеми туристичката привлечност на оваа планина. „Овие настани се само почеток на нашиот сеопфатен план за подигнување на статусот на Пелистер како клучна туристичка дестинација“. Така изјави Лидија Ангелкова, координатор на проектот. Претстојните активности вклучуваат соработки со туристички професионалци. Со луѓе од науката. Но и вљубеници во планината во улога на инфлуенсери, за да се укаже на природната привлечност на Пелистер.
Иницијативата, водена од Фондацијата ПРЕДА Плус, е дел од Регионална програма. Програма за локална демократија во Западен Балкан 2. Истата е финансирана од Европската Унија (ЕУ), кофинансирана од Оптшина Битола и имплементирана од УНДП.
Саботниот настан не беше само отстапување од вообичаената урбана рутина на битолчани, туку собирање на истомисленици кои ја споделуваат љубовта кон планината. Познатиот кафе-бар Јагода направи свој поп-ап бар во планински услови, а спокојна музика од FICHI, создаде совршена позадина за дружење, фотографија и природа.
Овој настан е само почеток за едно ново поглавје во приказната за Пелистер.
фото | Кети Талевска Бакревска
