1 Април: Ден на Шега и Маски! Ова е денот кога се смееме, се шегуваме и го празнуваме духот на забавата. Се ослободуваме од грижите и дозволуваме малку лудост да ја исполнува нашата реалност.
За децата, 1 април е како некој таен свет, полн со креативност и забава. Маскирани како супер херои, животни или фантастични ликови, тие се претвораат во нешта што обичо не се. Ако сретнеш некој мал „буф“ што зборува на телефон или еден мини „Спајдермен“ што ти нуди пржени компирчиња во корнет, не се чуди – тоа е магијата на овој ден. Сè е можно, сè е наопаку и сè е фантастично интересно.
Шегите на овој ден не се само обични шеги. Тие се магични формули кои ги отвораат портите на смеата и радоста.
Без разлика дали сте на работа, дома или на улица, нема да можете да одолеете на заиграните лица. Лица што се појавуваат со невидлива ознака „забава внатре и надвор“. Едноставно, 1 април е ден кој ја потврдува моќта на позитивната енергија. Вистински лек за нашиот забрзан, понекогаш напнат живот.
Како што вели една стара поговорка: „Не заборавајте да се смеете – животот е премногу краток за да не уживате во него.“
1 април не е потсетник дека понекогаш треба да го земеме животот со малку повеќе хумор и помалку сериозност. И да! Да се смееме на нашите неуспеси, бидејќи тие се , всушност најголемите шеги на сите! Зарем не смешно како секогаш не оди по план, а подоцна токму на тоа најмногу се смееме?
А во таа смисла, во парафразата на маестро Игор Џамбазов стои: „Тешко на оној кој премногу сериозно ја сфаќа животната приказна.“
Затоа, ако не се осмелувате да се маскирате, тогаш барем облечете ја маската на радоста и насмевката и обавезно размислете: какви шеги може да создадете за да го направите овој ден незаборавен?
пишува: Ромина Марковска
