Светскиот Ден на Учителот: Човекот кој го обликува нашето утре
На 5-ти октомври, светот ја славеше професијата која носи најголема одговорност – учителите. Овој ден, обележан како Светски ден на учителот, е посветен на хероите кои не носат наметки, но се креатори на иднината. Без нив, нема напредок; без нив, нема идни генерации кои ќе бидат способни да ја водат планетата во ера на постојани промени.
Основан од страна на УНЕСКО во 1994 година, Светскиот ден на учителот не е само датум, туку симбол на почит и благодарност. Наставниците се не само преносители на знаење, туку и први иноватори, инспиратори, и ментори на кои им се доверува иднината на општеството. За нивната професија нема почит колку што заслужуваат – тоа е факт кој понекогаш се заборава, но денот 5 октомври ни дава шанса да го изразиме благодарноста што не можеме да го кажеме секој ден.
Секој ученик што ја прекршил границата на училиштето и застанал на прагот на успехот, носи печат на знаењето кое му го пренел наставникот. Затоа, иако тие не се на насловните страници на весниците, нивните мисии и мечти се најважните. Без нив, светот би бил без визија, бидејќи тие не само што пренесуваат факти, туку и создаваат идни технологии, уметности и светови.
Секој од нас е директно или индиректно поврзан со некој учител, затоа нека овој ден не биде само еден ден на благодарност. Нека биде потсетување за тоа колку е значајна нивната улога во формирањето на нашето општество и иднината што ја создаваме. Учителите се темелот на сите успеси, бидејќи на нивната основа растеме и достигнуваме нови височини.
“Docendo discimus” – “Учиме преку учењето.”
“Non scholae, sed vitae discimus” – “Не за училиштето, туку за животот учиме.”
пишува: Ромина Марковска
