Свети Никола – заштитникот на срцата и творецот на чудата! Ова е името на светецот што ја обединува светлината, надежта, топлината и добрината. Тој е заштитник на морнарите, децата, сиромашните и сите што чуваат верба во доброто.
Живот Преполн со Љубов и Жртва. Роден е во Патара – антички град во Ликија, на територијата на денешна Турција, сместен близу брегот на Средоземното Море. Свети Никола од најмлада возраст го посветил својот живот на Бога и на помагање на луѓето. Со секое дело, ја покажувал својата несебичност, ставајќи ги потребите на другите пред своите.
Чудотворецот што Остави Вечни легенди
Свети Никола потекнувал од богато семејство. По смртта на неговите родители, тој наследил големо богатство. Но, богатството не го задржал за себе – го користел за да им помага на сиромашните… На оние што биле во неволја.
Во една од најпознатите легенди, Свети Никола дознал за семејството што живеело во сиромаштија и имало три ќерки. Тоа не можело да обезбедат свадбени подароци за своите ќерки што во тоа време било основен услов за женидба. Без овие подароци, ќерките биле изложени на ризик – да бидат принудени да живеат во сиромаштија… Или дури да бидат продадени како робинки.
Свети Никола дознал за оваа ситуација и веднаш решил да помогне. Во домот на оваа сиромашна фамилија, оставил кесички со злато – едниот пат покрај прозорецот, а другиот пат во чевлите на ќерките. Ете така, ќерките ја избегнале неволјата.
Неговото влијание и поврзаноста со Дедо Мраз
Овој чин на великодушност, заедно со неговото влијание, го инспирирал обичајот на подарување за Божиќ кој подоцна се трансформирал во ликот на Дедо Мраз. Станал симбол на добрината што носи радост во најтемните времиња.
Но, неговите чуда не запреле тука. Свети Никола спасувал морнари од разурнувачки бури, ја смирувал немирната природа на морето и секогаш се појавувал како каде што бил најпотребен.
Вечна Водилка на Доброто
Свети Никола не е само лик од легендите; тој е доказ дека секој од нас може да внесе светлина во туѓиот живот. На овој ден, кога многу луѓе го слават како свој заштитник, да се потсетиме дека љубовта и споделувањето не се само обични зборови. Тие се дела што оставаат трајни траги.
Да бидеме инспирирани од неговата светлина – светлина што ги осветлува патиштата и срцата на сите, покажувајќи ни го патот на добрината.
