ШОК ВО НЕБОТО: Авион влетал во бура – патници вриштеле! 22 мај 2025 – Видео што брзо се шири на интернет открива хорор сцени од летот IndiGo 6E2142 кој полетал од Њу Делхи кон Сринагар, кога ненадејно влетал во силна бура проследена со град и тешки турбуленции.
Патниците, нив 227 заедно со екипажот, доживеале моменти на чист страв и шок. Камера го снимила моментот кога луѓето вриштат, се молат и држат едни за други додека авионот се тресе како играчка во невремето. Во еден момент, пилотот прогласил вонредна состојба.
„Настана тотален хаос“, сведочат патници. „Се отворија сандачињата за рачен багаж, предмети паѓаа врз луѓето. Се слушаа плач и молитви.“
И покрај шокантните моменти, трагедијата била избегната благодарение на брзата и професионална реакција на пилотот, кој успеал да го приземји авионот безбедно во Сринагар. Подоцна се појавија фотографии на кои се гледа оштетениот нос на авионот поради ударите од градот.
Според авиоексперти, ваквите ситуации, иако ретки, претставуваат вистински шок и за екипажот и за патниците. „Турбуленции од ваков интензитет може да се случат при ненадејно влегување во облачна зона со вертикални струи и ледени кристали“, изјави поранешен пилот за индиските медиуми.
Видеото што го сними еден од патниците од задните седишта, уште еднаш потсетува колку брзо ситуацијата може да ескалира. Неколку секунди мирен лет биле доволни за да започне вистински шок и хаос во кабината. „Го гледавме лицето на стјуардесата – дури и таа беше бледа од страв“, додал еден сведок.
Овој инцидент уште еднаш ја потсетува јавноста колку природата може да биде непредвидлива, дури и за најмодерните летала. За среќа, никој од патниците не е сериозно повреден, но траумата од летот ќе се памети долго.
Индијските власти веднаш најавија истрага за шокантниот инцидент – со цел да се утврди дали навременото информирање, одлуките на пилотот и системите за безбедност биле на висина на задачата во екот на бурата.
Погледнете го видеото што ја шокираше јавноста:
пишува: Р. М.
