Што е МС? Што значи мултипла склероза? Знаеме ли? Дали сме доволно информирани околу овој проблем и дали знаеме колку всушност луѓе низ светот и во нашата земја патат од оваа болест? Сања Поповска во „Брчиме до Дуле“.
Овој пат во Ток Шоуто на Pomelo TV „Брчиме со Дуле“ Кумба и Дуле одбраа нетипична тема и со гостинката Сања Поповска раскажаа што значи да се биде вистински јунак. Вистински херој кој знае како да ја освојуваш секоја животна битка! Како до позитивен став и постојана борба во животот? Што ни прави умот и колку можеме да го контролираме? Ок, не беше „Телма амбуланта“ ко шо забележа Дуле. Па во видеото кое ќе го видите подолу во текстот, не станува збор за некој разговор кој објаснува сам по себе некои стручни медицински термини. Не е ништо што не можеме да сфатиме.
Имено, Сања Поповска е претседател на здружението „Глас за МС“. Самата боледува од оваа болест, а нејзината приказна е стварно да се наежиш.
Сања раскажува за првите симптоми… Како неа ја запознал непријателов, а она што е навистина жалосно и предизвикува револт кон институциите и медицинските лица(секако чест на исклучоците)… Жалосен е фактот што за откривање на дијагнозата за Сања, на стручните лица им требале добри четири години. Замислете четири години, Сања го изодила тој трнлив пат на бессознание, на исчекување за она што следи. Четири години под релапси, за кои не ни им го знаела точното име… Што е овој термин и кои се последиците на МС? Се чини дека стануваш по малку суров во тие години. А кога зборуваме суров, мислиме на позитивниот контекст.
Поповска стана борец, глас на луѓето кои се соочуваат со оваа сега не толку ретка болест. Секој има своја цел во животот. Како на секој да му е предодредено што да први во својот живот и секој има своја мисија. „Мојата мисија е да се борам за болните од МС. Да им докажам дека животот не е толку суров и дека е многу лесно кога знаеш со кого се бориш! Поддршката е најважна, вели Сања, а тука е моето семејство кое секогаш стои зад мене.“
Она што нам секогаш не остава без зборови, е моментална ситуација во однос на здравствениот систем. Замислете МС се третира еднаш месечно (зависи во која прогресивна фаза е истата) и за лекувањето потребна е терапија која мора еднаш месечно да се зема од Скопје лично. Борбата на Сања, меѓу останатото, е сето тоа да се упрости. Терапијата да е достапна во градовите, а луѓе, па и навистина 21ви век е. Зарем толку ли е тоа тешко?
Постојано затворени врати, неуки здравствени работници, многу луѓе(особено битолчани) кои патат од болеста и кои „умешно“ се маскираат. Во прашање ли е битолскиот кабадајлук? Колку е добро сето ова да биде скриено? Да биде тајна?
Имено, Сања одлучи да помогне. Одлучи да ја пренеси целата позитивна енергија на светот. Со таа мисла, издаде два романи „Девојката со портокалова марама“ кои навистина топло ви ги препорачуваме. Извонредна приказна за девојка која страда од оваа болест. Книгата погигна голема прашина кај читателите низ Македонија, но нашата заедничка цел е да кренеме уште поголема галама. Зад себе, оваа авторка е потпишана и на друга книга, а едно врапче ни кажа дека нејзиниот следен роман е во изработка. (Меѓу нас, имам нешто читнато… Извонреден е)
За крај, и ние, тимот од „razbudi se“ заедно со Pomelo TV, гласно ве повикуваме на маршот по повод светскиот ден на лицата со мултиплекс склероза на 30 Мај. Да облечеме портокалови маици и заедно да ја поддржиме оваа ведра, позитивна и храбра девојка, која зборува во име на сите оние кои се соочуваат со МС.
Повеќе околу болеста, повеќе околу животот.. Повеќе околу прашањето како до издвојување победа низ таа патека кон успехот, погледнете во видеото и најновата епизода на „Брчиме со Дуле“.
