Ретка банкнота пронајдена во автомат за грицки – вредноста ќе ве шокира! Оваа банкнота ја пронајде американецот Калвин Вестфол, 59 – годишен сопственик на автомат за грицки во Западна Вирџинија. Бил изненаден кога ги прегледувал парите, собрани во неговиот апарат.
Меѓу вообичаените банкноти, Келвин пронашол една ретка со сериски број G00000001I, која би можела да вреди дури 15 000 долари.
„Сопственик сум на неколку автомати за грицки во оваа област и секогаш ги прегледувам монетите и банкнотите. Го испразнив апаратот, но не ја забележав оваа банкнота веднаш“, изјави Вестфол.
Таа вечер, кога неговиот пријател сакал да го користи неговиот камион, Келвин му дал неколку долари за гориво. Додека ги разгледувал банкнотите, забележал дека најновата банкнота од автоматот има уникатен сериски број.
„Бев пресреќен кога ја видов банкнотата со тој сериски број“, изјави тој.
Колекционери и сручњаци за пари знаат дека банкнотите со сериски броеви како G00000001I се многу ценети. Таква банкнота може да вреди од 600 до 15 000 долари, а банкнотите со „супер ниски“ броеви се барани меѓу колекционерите.
Вестфол открил дека слични банкноти, по проценка, можат да достигнат цена до 25 000 долари. Иако не е сигурен за точната вредност, смета дека неговиот примерок од серијата 2013B е колекционерски. Одлучил да ја продаде оваа ретка банкнота.
„Парите зборуваат. Сигурно ќе ја продадам.“ рекол тој за Newsweek.
