Пене арабијата: Посна и пикантна паста готова за 20 минути .
Пене арабијата е совршен избор за вас, ако сте љубител на зачини и сакате брз и вкусен оброк за време на пост, Оваа италијанска паста, чие име буквално значи “љута” или “бесна”, нуди неверојатна експлозија на вкусови која ќе ги задоволи сите љубители на зачинета храна.
За Пене арабијата, потребни ви се следниве состојки:
- 300 г посна пена паста (или друга кратка паста)
- 2 чена белиот лук, ситно сечкани
- Чили (по вкус)
- 400 г сечкан домат (од конзерва или свеж)
- Маслиново масло
- Сол и бибер по вкус
- Свеже сечкан магдонос за декорација
Време на подготовка: 20 минути
Начин на подготовка:
- Во посолена вода, сварете ја пастата според упатството на пакувањето додека не стане “ал денте”. Зачувајте малку вода од варењето.
- Во маслиново масло, пропржете го ситно сечканиот белиот лук и чили, додека не почне да мириса. Внимавајте да не го изгорите лукот.
- Додадете го сечканиот домат во тава и варете 10 минути, повремено мешајќи. Посолете и побиберете по вкус. Ако сосот стане премногу густ, додајте малку вода од варената паста.
- Сцедете ја пастата и измешајте ја со сосот. Додадете малку вода ако е потребно за да се соединат сите состојки.
- Поросете со свеж магдонос и сервирајте топло. За поголема пикантност, додајте уште чили.
Зошто ова е идеален рецепт за време на пост?
Пене арабијата не е само брз и вкусен, туку и целосно посен, што го прави идеален за сите кои сакаат да уживаат во богати зачини и пикантен вкус додека го почитуваат постот. Со едноставни и лесно достапни состојки, ова јадење е совршено за брзи оброци или кога сакате да изненадите гости со нешто посебно.
Bon appétit!
