Весело, живо, разиграно – Спектакуларна парада на Денот на благодарноста во Њујорк
Огромни балони обликувани како омилените ликови на Сунѓерот Боб и Снупи, прелетаа низ улиците на Њујорк. Свиреа оркестри и бендови маршираа низ улиците. Ова се случи на парада та на Денот на Благодарноста во Њујорк. Парадираа 8 000 учесници, групи кловнови, а парадира дури и Дедо Мраз.
Парадата започна на Апер Вест Сајд на Менхетен, го помина Централ Парк покрај големите толпи и националните телевизиски камери. И конечно се стационира пред водечката стоковна куќа Мејси на 34-та улица.
Весело, живо, разиграно. Меѓу познатите изведувачи беше Шер, која штотуку го издаде својот прв божиќен албум. Добитникот на наградите Оскар, Еми и Греми има насловна точка на парадата, настапувајќи непосредно пред да пристигне Дедо Мраз за да го одбележи крајот на парадата. Настапуваа и други познати личности и музички групи како Џон Баптист, Бел Бив Де Во, Бренди, Џеси Џејмс Декер, Пентатоникс и Мис Америка 2023 Грејс Стенке. Во парадата учествуваа и актери од некои драми на Бродвеј. Меѓу балоните со нови ликови оваа година беше Гуштерот Лео (12,5 метри), лик од филмот на Нетфликс. Сензационално, еуфорично.
Благодарноста е најголемата молитва. Њујорчани, дефинитивно знаат што значи тоа. Можеби и затоа се толку многу радосни. Парадата на Денот на Благодарноста го покажа и докажа тоа. Молитвата секогаш има fit back или повратна информација, ако претпочитате.