Оркестар што свири на инструменти од зеленчук постави светски рекорд. По секој настап следи супа – интересно и возможно!
The Vegetable Orchestra создава симфонија што не сте ја чуле никогаш порано. Ова е концерт со звук на флејта од морков, контрабас од ротква и тапани од модар патлиџан. Сите заедно создаваат симфонија што не сте ја чуле никогаш порано. Ова е уникатен оркестар со уникатна идеја!
The Vegetable Orchestra е австриски состав. Формиран во 1998 година во Виена, ова е единствениот оркестар во светот што свири на инструменти од зеленчук.
Истиот, неодамна влезе во во Гинисовата книга на рекорди за најмногу одржани концерти со зеленчукови инструменти – вкупно 344 настапи!
The Vegetable Orchestra има 11 музичари. Тие користат рачно изработени инструменти од свеж зеленчук, а остатоците од инструментите завршуваат во тенџере – како вкусна супа за публиката.
Како звучи музиката од зеленчук?
Музишарите велат дека звукот е уникатен и не може да се реплицира со традиционални инструменти. Понекогаш наликува на звуци од природата, а понекогаш на експериментални електронски тонови. Членовите на оркестарот доаѓаат од различни музички жанрови – рок, електронска музика, панк и класична музика – и соработуваат за да создадат композиции што ги рушат границите на традиционалната музика.
Инструменти што се јадат
Освен што сами ги изработуваат своите инструменти, членовите на оркестарот постојано експериментираат со нови видови зеленчук и различни тејники на изработка. И покрај тоа што зеленчукот знае да се скрши или исуши за време на настапите, тие вешто импровизираат на сцената. На крајот од концертот, следува омилената традиција – топла супа подготвена од „музичките реквизити“.
Најчестото прашање што сакаат да го избегнат?
Иако изгледа логично да се запрашаме дали членовите на оркестарот се вегетаријанци, тие велат дека тоа е најчесто поставуваното прашање – и веќе им е доста од него! „Не, не сме. Ве молиме, немојте да нè прашувате повторно“, се шегуваат тие на својот официјален сајт.
Овој неконвенционален оркестар продолжува да патува низ светот, покажувајќи дека музиката може да дојде од неочекуваните места – па дури и од вашата кујна!
