Нетфликс ја лансира функцијта „Моменти“. Споделете ги вашите омилени сцени со пријателите! Сега можете! Новата функција на Нетфликс наречена „Моменти“, овозможува зачувување и споделување на најинтересните сцени и сето тоа со еден клик.
Како функционира „Моменти“ на Нетфликс?
Моментално достапна на Ios, а наскоро и на Android, оваа функција на Нетфликс е совршена за мобилните корисници кои сакаат да ги одбележат и да ги прегледуваат одново, најомилените сцени. Кога гледате серија или филм на мобилниот, доволно е да го допрете екранот и ќе ви се појави новото копче „Moments.“ Со клик на ова копче, сцената автоматски се зачувува во табулаторот My Netflix каде што можете да ја прегледате секогаш кога ќе посакате. Ако решите да го репродуцирате филмот или епизодата подоцна, таа ќе почне директно од сцена што сте ја одбележале.
„Моменти“ ви нуди и опција за лесно споделување – од табулаторот My Netflix и можете веднаш да ги објавите зачуваните моменти на Инстаграм, Фејсбук и други социјални платформи.
Иднина на „Моменти“
Дали ќе има ограничување на бројот на зачувани сцени или времетраење на клиповите? Ова сè уште не е потврдено, но функцијата „Моменти“ дефинитивно претставува нов начин на уживање и споделување на омилените Нетфликс содржини.
Со „Моменти“, Нетфликс прави уште еден чекор кон подобрување на интеракцијата меѓу корисниците и нивната омилена содржина. Оваа функција ја олеснува можноста за споделување на впечатливи сцени. Во исто време поттикнува нови начини на комуникација и поврзување преку заеднички интереси за филмови и серии. Со ова, Нетфликс се доближува до идејата дека гледањето е позбавно кога се споделуваат и прераскажуваат назаборавните моменти.
