Мотивирачки совети за тоа како да се преживее во светов?
Ова е вистинската страница со мотивирачки совети. Никогаш нема да ги заборавите. Ќе продолжите напред, без разлика на проблемите што ќе ви застанат на патот. Нетрпеливоста веќе расте? Во тој случај, подгответе се да ги откриете несомнено нетипичните совети кои веројатно не сте ги размислувале од овој агол. Како да се преживее во светов?
„Дали имате непријатели? Добро. Тоа значи дека во животот сте се залагале за нешто.“
Животот е патување полно со неизвесности, а понекогаш тие доаѓаат во форма на луѓе кои не се согласуваат со вашите постапки. Но, запомнете, секогаш кога ќе се залагате за нешто, ќе ги има и оние кои нема да го разберат тоа. Ова е знак дека сте го направиле првиот чекор кон нешто значајно. Добро прочитавте. Значајно и големо.
„Успехот не е конечен , неуспехот не е фатален: храброста да се продолжи е важна.“
Животот е полн со подеми и падови. Но, ќе се преживее. Добро е да знаеме дека ниту еден успех не е краен и ниту еден неуспех не е катастрофален. Најубавиот успех се крие во храброста да продолжите да се движите напред, без разлика на тоа што ќе ви се случи на патот. Затоа, не се грижете премногу. Ако не ризикувате ништо, ризикувате уште пвоеќе.
„Песимистот ја гледа тешкотијата во секоја прилика; оптимистот ја гледа можноста во секоја тешкотија.“
Кога се соочувате со потешкотии, лесно е да се фокусирате на негативните страни. Но, ако успеете да ја видите можноста што е сокриена во секоја пречка, ќе го откриете патот кон успехот. Е тогаш, ќе ви се размрдаат сите клетки.
„Успехот се состои во одење од неуспех до неуспех без губење на ентузијазмот.“
Патот кон успехот е редок без неуспеси. Речиси невозможен. Но, она што ве разликува од другите е вашата способност да го задржите ентузијазмот и покрај неуспесите. Ова е оригиналната тајна на успехот.
„Стравот е реакција. Храброста е одлука.“
Сите ние чувствуваме страв. Но, храброста се крие во соочувањето со стравот и одлуката да продолжите напред. Визуелизирајте го исходот како најубава слика. Ова е сликата која ги отвора сите чакри. Одлично!
„Цената на големината е одговорност.“
Со големината доаѓаат и одговорностите. Кога ќе постигнете нешто значајно, истовремено треба да се справите и со зголемениот товар на одговорност. Ама ќе се справите, лесно.
„Континуиран напор на силата или интелигенцијата е клучот за отклучување на вашиот потенцијал.“
Не е доволно само да се биде силен или интелигентен. Клучот за успехот лежи во вашата способност да вложувате напор и да не се откажувате, без разлика на предизвикот. Лесно е да се искачиш на сцена, ама да останеш долго време на неа, е тоа е веќе друга работа.
„Историјата ќе биде љубезна кон мене затоа што имам намера да ја напишам.“
„Вие сами го обликувате својот живот и својата историја. Не дозволувајте другите да ви ја диктираат, да „изгледа дека живеевте за џабе.“
„Да се подобриш, значи да се промениш; да се биде совршен, значи да се менуваш често.“
Промената е суштински дел од животот. За да станете подобри и да го достигнете својот целосен потенцијал, треба да прифатите дека промената е „згодна и неопходна.“
„Ако поминувате низ пеколот, продолжете.“
Во најтешките моменти, најважно е да не застанете. Продолжете да чекорите напред, затоа што токму тогаш ќе дојдете до крајот на пеколот. Напред има само светлина!
Нешто плус и изненадување на крајот:
Сите овие совети доаѓаат од една личност чија мудрост и искуство оставиле траен белег на историјата – Винстон Черчил. Човекот кој со своите зборови и дела, ни покажал како да се живее храбро и решително во секоја ситуација.
пишува: Ромина Марковска