Кога Моника Станојкова седна во Југото на Мими, веднаш се почувствува дека ова нема да биде обично возење.
Нејзината енергија, спонтаност и став – носат некоја посебна динамика, онаква што не може да се симулира. Од Штип до Битола, со ТикТок во џеб и насмевка што пробива кадар, Моника донесе свежина, а Југото ја прими со отворени врати.
Уште на самиот старт, со нејзиниот типичен шарм, се сврте кон домаќинот:
– „Не снимаш, Мими?!“ праша Моника.
А Мими враќа со насмевка:
– „Ами како не, шо си мислеше – ќе си вртиме крукчиња без докази?!“
Имено, Моника, од Задруга излезе прва, ама според Мими – таа беше и прва што сите ја паметат. Впечатоците што ги остава не се избришуваат – се паметат со звук, мирис и ефекти.Моника има (уште малку) 24 години, диплома по економија, специјалност сметководство и став што може да растури табела во Ekscel само со еден поглед. Вели дека за да се успее, треба храброст – и мозокот да ти проработи на време.
Мими ѝ врати со искрено признание – дека ја гледа како некој што знае како се прават пари. И навистина – девојката има свој бренд, не живее од лајкови, ама од гифтови и спонзорства „си го врти своето“.
Тетоважи? Многу. Најмногу болат оние кај препоните, признава, ама сите си носат приказна.
Театар и кино? Не. Животни – да. Работи со Лајка, сака искреност и како што вели Мими – кој сака животни, не може да глуми.
Во епизодата, специјално за Моника – пастрмајлија со свинско. За Мими – верноста кон пилешкото остана непроменета, ама и со празна чинија. И попатно – речено, изненадувањето му се расипа. Спонзорот му се јави на мобилниот пред десеттата минута, Мими си рече „ало“ – и така се откри целата акција предвреме. Сепак, со Југото си ја зедоа пастрмајлијата од пред дуќан и продолжија како ништо да не било. Муабетот течеше – како филм во кој сценариото не постои, ама сè си тече баш како што треба.
Од мотивациски книги, има прочитано само една – Моќта на потсвеста. Деведесет проценти ѝ се погодило. Останататото го препишува на среќа.
А кога станува збор за мажи? „Не сакам мамини синови“, вели. „Јас сум премногу јака и остварена за некој што уште се бара Нек’ е јак и во џеб и во глава.“ А за мажи? На Балканот такви ретко се гледаат, ама ако се појави – нека тропне.
Епизодата е вистинско сценарио без кочници – пастрмајлија, TikTok, искрен муабет и стил што не се учи од книга. Моника? Гостинка што не се заборава. Без филтери. Без шминка. Освен ако не е фотосесија.
пишува: Ромина Марковска
