3Д Кино Битола повикува на European Cinema Night – Под заедничко небо на европската кинематографија! Една вечер, истовремено во 88 кина низ Европа.
European Cinema Night е филмска магија, инспиративни разговори и уникатни музички звуци. На 4 декември – среда, 3Д Кино Битола повторно ќе биде дел од оваа магична мрежа. Заедно со кино љубителите од стариот континент, ќе се слават приказни што инспирираат, предизвикуваат и оставаат траен впечаток. Магијата ќе трае од 2 до 6 декември.
Што не очекува?
19:30 – Свечено отворањe на вечерта. Подгответе се за атмосфера која ќе ве вовлече во светот на филмот и културата.
19:45 – Проекција на наградуваниот филм „Вкусот на љубовта“(The Taste of Things), овенчан со награди во Кан. Љубовта, храната и нивната моќ да ги зближуваат луѓето ќе оживеат на големото платно.
22:00 – Дискусија со специјалните гости
-Филип Чаловски, врвен македонски шеф
–Илија Тирицовски, познат филмски и ТВ продуцент
Заедно ќе ве водат низ магијата на филмот, храната и уметноста на раскажувањето.
22:30 – Концерт на Dejanje, уникатниот музички проект на Дејан Марковски кој ќе ја заокружи вечерта со звуци што ги надминуваат жанровските граници.
Зошто оваа вечер е посебна?
European Cinema Night не е само настан – тоа е славење на културата, уметноста и страста која ја носи филмот. Тоа е можност да бидеме дел од заедница која верува во моќта на приказните.
И на крај…најубавиот дел: Влезот е бесплатен!
Локација: 3Д Кино Битола
Не пропуштајте ја оваа посебна вечер, станете дел од европската филмска приказна!
