Во поглед на изучувањето на германски и англиски и јазик, Едусфера е пример за образовна институција.
Професионалниот кадар и посветените работници навистина комплетно се вложуваат во едукација и надоградување на знаењето на учемниците, а од неодамна во Едусфера, снимаат и кратки едукативни видеа кои „Разбуди се“ со задоволство ги промовира. Еве што ни раскажаа од таму:
„Ја знаете ли германската азбука? Ако не ја знаете одлична можност да ја научите, а ако ја знаете да си ја повторите.
Најмладите од Едукативниот центар Едусфера одлично ја знаат, а средношколците одамна ја научија! Но имаа одлична идеја: Да создадеме нова, Берлинска азбука!
И за краток временски период, силно мотивирани, креативни и исполнителни истата ја создадоа!
Ви посакуваме да уживате гледајќи – исто како што ние уживавме создавајќи ја!“
Погледнете го видеото, а подолу во редовите, прочитајте за што зборуваат. Научете нешто и поддржете го младиот креативен потенцијал.
Берлин – разнолика, шарена метропола. Град кој поставува трендови и во кој секогаш има нешто ново за откривање и доживување!
А – Architektur – Архитектура – Спомениците и градбите во Берлин се вистински сведоци на историјата.
B – Brücke – Мост – Берлин има повеќе мостови од Венеција – и тоа околу 1700!
C – Currywurst – Колбас во кари сос – Жителите на Берлин го обожаваат! Омилено традиционално јадење, околу 70 милиони парчиња се јадат годишно!
D – Dönner – Донер – Според легендата донерот не е турско, туку германско откритие – 60 тони месо се јадат во еден ден во метрополата!
Е – Еast – Side Gallery – Галеријата на источната страна од ѕидот е најдолгата галерија под отворено небо и истата прикажува слики од уметници од целиот свет.
F – Fernsehturm – Со височина од 400 метри оваа кула е највисоката градба во градот.
G – Grafitti – Насекаде во Берлин се забележуваат графити – Но, не се сите убави, ни легални!
H – Hertha BSC – Херта БСЦ – Историско фудбалско здужение од Берлин познато по своите страствени навивачи!
I – Ich bin ein Berliner –Јас сум жител на Берлин! – 50 години поминаа, а како да беше вчера кога Џон Кенеди ги кажа овие зборови!
J – Jazz – Берлинската Џез Сцена – присутна и популарна!
K – Kulturen – Култури – Берлин е шарена мултикултурна метропола. Луѓе од 170 различни националности живеат таму.
L – Lieblingstier – Омилено животно – Омилено животно на германците е кучето. Твојот крзнен пријател можеш да си го носиш (скоро) насекаде! Во Берлин живеат 200 000 кучиња!
M – Mauer – Берлинскиот ѕид – Бариера која долги години го делеше градот на Источен и Западен Берлин.
N – Nicht bezahlt – Не е платено! – Секој трет жител на Берлин се вози „на црно“. Што значи тоа? Да се користи јавниот превоз, без да се плати билет!
O – Oberbaumbrücke – Прекрасна, впечатлива знаменитост во Берлин – Мост кој ја премостува реката Spree.
P – Park – Парк – Берлин е зелена оаза! Повеќе од 40 % од градот се состои од шуми, паркови и зеленило!
Q – Quadratmeter – Квадратни метри – Берлин е најголем град по територија!
R – Reichstagsgebäude – Импозантна знаменитост – Автентичната зграда каде работи парламентот!
S – Späti – Во Берлин „киоскот“ или „бутката“ ги викаат „шпети“. Секој жител на Берлин ги посетува со задоволство!
T – Theater – Берлин е културен центар на Германија, во Берлин има повеќе од 150 театри!
U – Umzug – Преселба – Во Берлин околу 18 луѓе на час го менуваат својот дом и започнуваат мал нов почеток!
V – Victoriapark – Прекрасен парк во областа Кројцберг со водопад и прекрасен поглед на целиот град!
W – Wiedervereinigung – Обединување – Со падот на Берлинскиот Ѕид во ноември 1989 се обединија повторно Источен и Западен Берлин! Секоја година на 3.10 се слави повторното обединување на Германија!
X – XXL Scnitzel – Огромната шницла спаѓа во омилени оброци на жителите на главниот град!
Y – Yorckstraße – Шопинг, кафе и прошетка на една улица!
Z – Zoo – Зоолошка градина – Берлинската зоолошка градина е најпосетуваната зоолошка во Европа и тука може да се видат околу 20 000 видови животни. Оваа зоолошка нуди забава за млади и стари посетители, а нуди и интеракции со животните!
