Веројатно не постои човек кој не знае за детелината со четири лисја. Можеби и сте ja барале во тревата и ливадите и како игла во сено сте ја пронашле. А тогаш, сте се израдувале знаејќи ja легендата дека детелината со четири лисја значи дека ќе бидете среќни целиот ваш живот.
Но, зад сето ова, стои доста интересна приказна. Имено, ова растение е национален симбол на зелената Ирска, а во христијанската традиција ја претставува Светата Троица.
Детелина со четири лисја носи среќа, а дали знаевте дека секој лист има свое моќно значење и ова растение е полно со симболика. Дури и обичниот со три листови, има своја приказна.
Според едно старо верување, секое од четирите листови детелина, има свое значење. Првата ја претставува верата, втората надежта, третата љубовта, а четвртата, добро знаете – среќата. И кога ќе размислите, сè има смисла. Ако имаш вера, ако имаш надеж и ако бараш со љубов, сигурно ќе ја најдеш својата среќа.
Ова растение е широко распространето, расте буквално секаде, а единствено што го нема се Антарктикот и Австралија, поради што растението се увезува од други континенти.
