Целта на нашиот веп сајт е да го разбудиме убавото… Да го освестиме, да продолжиме да се бориме и во моменти кога очајно можеби и ни треба да паднеме. Но, не е важно дали ќе паднеш! Важно е дали ќе се исправиш и ќе продолжиш да чекориш кон врвот и она што си го наумил. Токму таква е приказната на Николче Талевски, новиот гостин во најновото Ток Шоу – „Брчиме со Дуле“. Инаку неговата приказна започнува од оваа земја, но завршува во Германија. После бројните неуспеси и покрај неговата амбиција, добрина и порив за успех, Талевски конечно застанал очи во очи со неуспехот кој за жал, некако е неминовен во земја во која немаш поддршка.
Но, овој дечко не се откажал од својата цел да успее и продолжил да го трасира патот кон неговиот замислен пиедестал. Приказната продолжува во Германија и за прв пат искрено е опишано каков е всушност животот таму. Или да бидеме поконкретни, каков е почетокот. Што значи да започнеш од нула? Што значи да го спуштиш својот т.н. гард и да застанеш на првата скала која секогаш е најтешка и секако најмала. Дали во вакви ситуации човек треба да продолжи? Николче ја раскажа својата животна приказна и испрати моќна порака во најновото Ток Шоу Брчиме со Дуле. Имено, гостинот на Душан Кузевски, е познат по својата емисија „На кафе со“ што продолжува да прави бум низ етерот. Неговиот канал е именуван како Talevski TNJ, а на него ќе сретнете забавна, позитивна и содржина што ги промовира семејните вредности.
А сега, доста ние „брчиме“. Сварете си кафе, сместете се удобно на вашата фотелја и погледнете го видеото во редовите што следат: Брчиме со Дуле – Епизода 3 – Николче Талевски.
