На Декември совршено му договора филмски костим. Реквизит – пуканки и многу среќни моменти во 3 Д кино Битола.
Уживајте во нивниот репертоар и седете ги најубавите и најнови филмски остварувања, како од светската така и од нашата сцена.
Деновиве што следат, подгответе се за една несекојдневна новогодишна приказна. Подгответе се да уживате во светот на волшебствата, бајките… Разбудете го детето во вас и секако опуштете се на црвените фотелји прегрнати и стопени од радоста на вашите најмлади членови од семејството.
Имено во 3 Д кино Битола, следи премиерата на најновата 45-минутна новогодишна авантура „Звуците на Новата година“. Истата е закажана на 21.12.2023 год. „Се гледаме на кино, Јипи-рипи! Јееј! “ – велат Биби и Боби, главните јунаци од најгледаната македонска анимирана серија и омилен цртан филм кај дечињата. Јунаците ги најавија своите проекции, а на вас останува да уживате во ова празнично филмско искуство:
Четврток 21.12.2023. 18:00
Петок 22.12.2023. 18:00
Понеделник 25.12.2023. 18:00
Среда 27.12.2023. 18:00
Меѓу другото се што е добро започнува со сон, па така и господинот Вонка, ќе заигра на филмското платно во нашето кино. Ова е филм за соништата, за креативноста, за една магична бајка што навистина ќе ве врати во оние времиња кога верувавме во чуда.
Секоја добра работа на овој свет, започнала со сон… затоа држи се до својот! Филмот „ВОНКА“, ќе ги доживее своите проекции на големото платно на следните датуми:
Понеделник 18.12.2023. 19:00
Вторник 19.12.2023. 19:00
Среда 20.12.2023. 19:30
