Ја славиме урбаната култура – Фестивалот „Битола отворен град” го започна своето 23-то издание
Битола, град познат по бројни автентични културни настани, повторно е домаќин на фестивалот „Битола отворен град“. Сега во својата 23-та година, овој фестивал продолжува да биде промотор на урбаната културa. Ја слави креативноста, музиката и духот на заедницата. „Битола отворен град“ денеска беше отворен со изложба на женски стрипови во соработка со Стрип центарот од Велес на локацијата Училница. На оваа изложба беа претставени дела од новата генерација македонски стрип уметници, истакнувајќи ги нивните придонеси за деветта уметност. Фестивалот на денешната прес конференција, која претходеше на отворањето на изложбата, го најави и својот традиционален музички хепенинг. Публиката ќе има шанса…