Ексклузивно интервју со Оља Петрушевска Томева, авторката на „Сагата на Рајна“, книга за најуспешната жена во градот на конзулите, првата аптекарка во Битола
Литературниот свет од неодамна создаде простор за уште едно импозантно име кое долго ќе го памети македонската книжевна сцена. Нејзините дела изобилуваат со прецизно градење на ликовите. Карактерите кои понатаму остануваат да живеат во нашиот ум како длабоки размислувања околу самиот концепт на битието. Таа е дипломиран правник и магистер по европско право и интеграции. Авторка на книгата за деца „Волшебната авантура” и романот за возрасни „Одмаздата на богомолката”. Брилира со автентичен стил во „Најслаткиот филџан кафе“ и со силна порака допира до тинејџерскиот фокус. Со елоквентен, а и длабоко писхолошки пристап, студиозно ја проучува и истражува приказната за Рајна…