Антонио Карлучио е ,,ветеран“ во италијанската гастрономија. ,,Che mangia bene mangia Italiano“, ќе рече една италијанска поговорка, или ,,Кој добро се храни, јаде италијанска кујна”.
Ако и вие сте дел од оние редовни ,,гости” на феноменалната италијанска кујна, сигурно ќе ве интересира оригиналниот рецепт за вистинска италијанска карбонара.
Состојки:
– 220 гр шпагети
– 25 гр панцета (италијанска сланина) исечкана на ситни коцки
– 2 лажици маслиново масло
-2 јајца
-50 гр пармезан (или старо пекорино), свежо изрендан
-0свежо мелен црн пипер
Подготовка:
Гответе ги тестенините во големо тенџере со зовриена солена вода според упатствата на пакувањето, се разбира… ал денте.
Во меѓувреме, загрејте го маслото во тава и пржете ја панцетата неколку минути, додека парчињата не станат крцкави.
Во поголем сад лесно изматете ги јајцата со ренданото сирење и бибер. Кога тестенините се готови, исцедете ги и додајте ги во тавата со панцетата и убаво измешајте. Тргнете го од оган и оставете малку да се излади. Потоа додадете ја смесата со јајца и сирење. Се добро измешајте и послужете веднаш.
Деталната процедура погледнете ја во видеото подолу. Buon appetito: