Чаша што мами насмевка! Зимата не е комплетна без топлата прегратка на чаша варено вино, збогатено со аромата на цимет, каранфилче и цитрус.
Ви претставуваме два рецепти за ова класично зимско задоволство –еден со црвено и еден со бело вино. Оваа зимска чаша варено вино ќе ја наполни вашата куќа со празничен мирис.
Варено црвено вино
Состојки:
1 литар црвено вино
200 мл вода
1 лимон (на парчиња)
2 стапчиња цимет
2 зрна каранфилче
2 парчиња анис
3 лажици шеќер
Начин на подготовка:
Во тенџере ставете го виното, шеќерот, виното, зачините и парчињата лимон.
Загрејте на средна температура додека чеќерот не се растопи. Избегнувајте вриење.
Ставете капак и оставете го пијалокот да одмори околу еден час за да се соединат вкусовите.
Пред сервирање, повторно загрејте. Послужете топло во шолји.
Варено бело вино
Состојки:
2 литра бело вино
100 мл вода
Сок од 3 портокали
7 лажици шеќер
1 стапче цимет
6 зрна каранфилче
Начин на подготовка:
Исцедете го сокот од портокалите и ставете го во тенџере заедно со белото вино, шеќерот, циметот и каранфилчето.
Загрејте додека не почне да врие, потоа намалете ја температурата и оставете да крчка уште 15 минути.
Послужете топло, украсено со парчиња портокал, ако сакате.
Совети за совршен резултат:
Приспособете ја слаткоста според вкусот на виното што го користите.
Експериментирајте со зачини: ѓумбир, кардамон или морско оревче додаваат уникатен шмек.
Украсете го пијалокот со свежи парчиња лимон или портокал за дополнителна естетика.
Вареното вино е идеално за празнични моменти, интимни вечери или кога само сакате да уживате во магијата на зимата. Пригответе го, споделете го со саканите и препуштете се на топлината и празничниот дух!🍷
